Дунёнинг энг яхши футболчиси ўйинидан 90 дақиқа завқлана олмаганимиз ачинарли – Жоржина Родригес

Криштиану Роналдунинг рафиқаси Жоржина Родригес Португалия терма жамоасини ЖЧ-2022 1/8 финал учрашувида Швейцария терма жамоаси устидан қозонилган ғалаба билан табриклади. Унда Португалия  Швейцарияни 6:1 ҳисобида мағлуб этди. Жоржина турмуш ўртоғини асосий таркибда майдонга тушмаганидан норози бўлган ва ижтимоий тармоқларда пост қолдирган.

“Табриклайман, Португалия! 11 нафар ўйинчи мадҳияни куйлаётган пайтда барчанинг эътибори сизда эди. Дунёнинг энг яхши футболчиси ўйинидан 90 дақиқа завқлана олмаганимиз ачинарли. Мухлислар сизни қўллаб-қувватлашдан ва номингизни айтишдан тўхтамайди. Худо сиз ва дўстингиз Фернанду бошчилигида бизга яна бир ҳаяжонли кечани насиб этсин”, деб ёзди Жоржина Родригес.

Маълумот учун, Швейцарияга қарши баҳсда Криштуану Роналду 77-дақиқада Жоау Фелиш ўрнига майдонга тушди. Португалия 1/4 финалда Марокаш терма жамоаси билан куч синашади.