Бўстонлиқда яна катта ёнғин бўлди (видео)
Crime
−
31 July 2025 4883 1 minute
Бугун, 31 июль куни Тошкент вилоятининг Бўстонлиқ туманида жойлашган ўрмон хўжалигидаги қирда ёнғин содир бўлди. Бу ҳақда Фавқулодда вазиятлар вазирлиги хабар берди.
Маълум қилинишича, соат 13:00 да туманнинг “Бурчмулла” МФЙда жойлашган “Бурчмулло” ўрмон хўжалигига қарашли қир адирликда қуруқ ўт ёнаётгани тўғрисида вилоят ФВБга хабар келиб тушган.
Билдирилишича, ҳозирда воқеа жойида Тошкент вилояти ёнғин-қутқарув бўлинмалари ҳамда Ўрмон хўжалиги ходимлари ёнғинни бартараф этиш ишларини олиб бормоқда.
Эслатиб ўтамиз, аввалроқ ҳам Бўстонлиқ туманида 2 гектар ердаги қуруқ ўт олов ичида қолгани ва у ёнғин ёнғин-қутқарув экипажлари қутқарувчилари ҳамда тегишли ташкилотлар ходимлари томонидан деярли 6,5 соатда ўчирилгани хабар қилинганди.
