“Барселона” Рафинья билан шартномани узайтирди
Sport
−
17:41 340 1 minute
Испаниянинг “Барселона” жамоаси бразилиялик ҳужумчиси Рафинья билан амалдаги шартномасини 2030 йилгача узайтирди. Бу ҳақда Каталония клуби матбуот хизмати хабар берди.
Бразилиялик ҳужумчи 2030 йил 30 июнга қадар амал қиладиган янги шартномани бугун, 5 ноябрь куни имзолади. Маросим “Барселона” президенти Жоан Лапортанинг кабинетида бўлиб ўтди.
Бразилиялик футболчи 2022-2023 йилги мавсум олдидан “Барса” сафига қўшилган. Шундан буён у 190 та учрашувда майдонга тушиб, 94 та гол урди. Шунингдек, уч марта Испания чемпионлиги (2022-2023, 2024-2025 ва 2025-2026), бир марта Испания Кубоги (2024-2025) ва уч марта Испания Суперкубогини (2022-2023, 2024-2025 ва 2025-2026) қўлга киритди.
“Transfermarkt” портали 29 ёшли Рафиньянинг бозор қийматини 70 миллион евро деб баҳоламоқда.
Эслатиб ўтамиз, аввалроқ 2026 йилги “Олтин тўп” соҳиби Ҳарри Кейн “Бавария” билан шартномасини узайтирганди.
Live
All
