“Барселона” мухлислари Нико Уильямснинг трансфери учун клубга хайрия қилмоқда
Sport
−
19 July 2024 6191 1 minute
Испаниянинг “Барселона” клуби мухлислари Нико Уильямснинг трансфери учун хайрия қилмоқда. Бу ҳақда “Diario Sport” хабар берди.
Маълум бўлишича, Каталония клуби Tik-Tok'да Ламин Ямал янги мавсумдан бошлаб 19-рақам остида ўйнаши ҳақидаги видеони жойлаштирган. Изоҳларда клуб мухлислари “Нико Уильямснинг трансфери учун” деб ёзиб, “донат” амалга оширган.
Эътиборлиси, донат миқдори 1 евродан ошмайди.
Айни вақтда “Барселона” “Атлетик” вингерига қизиқиш билдирмоқда. Унинг шартномасидаги товон пули 58 миллион еврони ташкил қилади.
Нико Уильямс Евро-2024'да “Барселона” футболчиси Ламин Ямал билан яхши тандем ҳосил қилиб, “қизил фурия”ни қитъа чемпиони бўлишида катта ҳисса қўшди.
