“Барселона” Левандовскини сотмоқчи

Sport

−

14 February 2024 visibility4882 timer1 minute

Испаниянинг “Барселона” клуби агар яхши таклиф тушса, уч футболчисини сотишга тайёр. Бу ҳақда футбол журналисти Хосе Альварес Гайя маълум қилди.

Манбага кўра, Каталония клуби “Брайтон”да ижара асосида ўйнаётган Ансу Фати ҳамда Роберт Левандовски ва Рональд Араухони сотишга тайёр.

Шунингдек, “кўк-анорранглилар” марказий ҳимоячилар кўплиги сабабли франциялик футболчи Жюл Кунде билан ҳам хайрлашмоқчи.

Маълумот учун, 35 ёшли Левандовски ва 24 ёшли Араухонинг клуб билан шартномаси 2026 йил ёзига қадар мўлжалланган. Полшалик футболчининг трансфер қиймати 20 миллион, уругвайлик тўп устасиники эса 70 миллион еврони ташкил этади. 21 ёшли “Барселона” тарбияланувчиси Ансу Фатининг АПЛ клуби билан шартномаси эса шу йил ёзда якунига етади ва у яна Барселонага қайтади.

Author