Аргентинанинг Жаҳон чемпионатида ғалаба қозонишига шубҳа қилмайман – Роналдиньо

Афсонавий бразилиялик футболчи Роналдиньо аргентиналик Лионель Месси 2022 йилда Қатарда бўлиб ўтаётган Жаҳон чемпионати финалида Францияга қарши ўйинда ўз жамоасига ғалаба келтира олишини айтди.

“Мен Аргентинани Хорватияга қарши ўйинда қўллаб-қувватладим, бироқ кўпчилик бразилияликлар бунга қарши эди? Пеле ҳам уларни қўллаб-қувватлади. Қандай қилиб спектакль кўриб, реакциясиз ўтираман?! Мен қадрдон дўстим Месси билан муносабатларимизни қадрлайман ва ҳар доим уни қўллаб-қувватлашга ҳаракат қиламан. Мен, албатта, финалдан кейин унинг олдига бориб, табриклашни хоҳлайман. Аргентинанинг Жаҳон чемпионатида ғалаба қозонишига шубҳа қилмайман. Месси Францияни йўқ қилади. Ҳисоб аргентиналиклар фойдасига ҳал бўлади, улар Жаҳон чемпионатида ғалаба қозонади", дейди Роналдиньо.

Қатардаги мусобақанинг финали эртага, 18 декабрь куни бўлиб ўтади. Аргентина ва Франция терма жамоалари ўртасидаги ўйин Тошкент вақти билан соат 20:00 да старт олади.