Ахбор Имомхўжаев вафот этди
Local
−
30 May 2022 26955 1 minute
Бугун, 30 май куни ўзбек шарҳловчилик мактаби асосчиси, футбол журналистикасининг фахрийси Ахбор Имомхўжаев 86 ёшида вафот этди. Бу ҳақда унинг набираси Диёр Имомхўжаев Telegram-каналида маълум қилди.
Ахбор Имомхўжаев — “Ўзбекистон Республикасида хизмат кўрсатган ёшлар мураббийи”, “Шуҳрат” медали соҳиби, "Олтин қалам" миллий мукофоти лауреати, “Ўзбек футболи нуронийси” соврини эгаси эди.
У 1936 йилнинг 19 февралида туғилган. Ўзбек спорт журналистикасининг отахони. Ўзбекистон телевидениеси тарихида футбол учрашувини ўзбек тилида шарҳлаган биринчи спорт шарҳловчи (1961 йил 20 апрель. "Пахтакор" Тошкент - ЦСКА Москва) ҳисобланарди.
Маълумот учун, Ахбор Имомхўжаевнинг жаноза намози эртага, 31 май куни соат 10:00 да ўқилади.
Live
All