29 йил ичида илк бор уч немис клуби еврокубоклар ярим финалига чиқди

Германиянинг учта клуби 29 йил ичида илк бор еврокубоклар ярим финалига чиқиб, немис клубларининг кўп йиллик натижасини такрорлади.

“Бавария” ва “Боруссия” Европа Чемпионлар лигасининг нимчорак финалида ўйнайди, “Байер” эса Европа лигасининг ҳал қилувчи ўйинига чиқиш учун курашади. Охирги марта немис клублари томонидан бундай натижа 1994/1995 йилги мавсумда қайд этилган.

ЕЧЛ Чорак финалида “Бавария” Лондоннинг “Арсенал” жамоасидан кучлироқ бўлиб чиқди ва энди ярим финалда “Реал”га қарши ўйнайди. Биринчи ўйин 30 апрель куни, жавоб ўйини 8 май куни бўлиб ўтади.

“Боруссия” чорак финалда “Атлетико”ни 5:4 ҳисобида мағлуб этди ва энди финал олди баҳсда ПСЖ билан ўйнайди. Биринчи ўйин 1 май куни, жавоб ўйини 7 май куни бўлиб ўтади.

“Байер” Европа лигасининг чорак финалида “Вест Хэм”ни ишончли ҳисобда мағлуб этди. Хаби Алонсо шогирдлари финал йўлланмаси учун Италиянинг “Рома” жамоасига қарши баҳс олиб боради. Биринчи ўйин 2 майда, жавоб баҳси эса 9 майда ўтказилади.