Ҳисоб палатасига янги раис тайинланди

Бугун, 5 сентябрь куни Алишер Баҳодирович Самадов Ўзбекистон Республикаси Ҳисоб палатаси раиси лавозимига тайинланди. Бу ҳақда Президент Шавкат Мирзиёев тегишли фармонни имзолади.

Маълум қилинишича, Алишер Самадов янги лавозимга ўтиши муносабати билан ҳозирда фаолият юритиб келаётган Ўзбекистон Президенти Администрацияси Ҳуқуқий экспертиза ва комплекс таҳлил қилиш департаменти бошлиғи лавозимидан озод этилган.

Маълумот учун, Алишер Самадов Ўзбекистон Президенти Администрацияси Ҳуқуқий экспертиза ва комплекс таҳлил қилиш департаменти бошлиғи лавозимида 2025 йил июль ойидан бери ишлаб келарди. У мазкур лавозимга Президент томонидан тайинланган.

Бунгача эса Самадов Президент Администрацияси Ҳуқуқий экспертиза ва комплекс таҳлил қилиш департаменти бошлиғи ўринбосари бўлиб иш олиб борган.

Эслатиб ўтамиз, аввалроқ Мухсинхўжа Турсунхўжаевич Абдураҳмонов Ўзбекистон Республикаси Вазирлар Маҳкамаси ҳузуридаги Миграция агентлиги директори лавозимига тайинланганди.