Ҳиндистонда аномал ҳарорат сабаб 92 киши ҳалок бўлди

World

−

19 June 2019 visibility7757 timer1 minute

Ҳиндистон шарқидаги Бихар штатида кузатилган аномал ҳарорат туфайли 92 киши ҳалок бўлди. Бу ҳақда "Синьхуа" агентлиги хабар берди.

Штат расмийлари дастлаб 40 кишининг ҳалок бўлгани ҳақида хабар тарқатган. 19 июнь куни тарқатилган хабарга кўра, ҳалок бўлганлар сони 92 кишига етган. Маҳаллий аҳоли вакилларининг кўпчилиги шифохоналар ва тез тиббий ёрдамга мурожаат қилган.

Ҳиндистон ҳукумати аҳолини ҳаво ҳарорати кўтарилиши ҳақида огоҳлантирган бўлса-да, ҳалок бўлганлар сони ошиб бормоқда. Маълум бўлишича, 22 июнга қадар штатдаги мактаблар ва бошқа таълим муассасалари ёпиб қўйилди.

Маҳаллий аҳолига уйларидан чиқмаслик ва кўпроқ сув истеъмол қилиш тавсия қилинган.

Author

Ҳиндистонда аномал ҳарорат сабаб 92 киши ҳалок бўлди

Akbar Jiyanov