Ҳабиб тез кунларда UFC Президенти билан учрашади
Sport
−
30 November 2020 8972 1 minute
UFC Президенти Дана Уайт россиялик MMA жангчиси Ҳабиб Нурмуҳамедов билан учрашади.
Уайтнинг ўзи Нурмуҳамедов билан Абу-Дабида учрашишини ва музокаралар олиб боришини тасдиқлаган.
"Бу тез орада бўлади. Вақти келганда сизга хабар бераман. Мен Нурмуҳамедов 30:0 ҳисобидаги рекорд учун қайтишига ишонаман", деган Дана Уайт.
Эслатиб ўтамиз, 24 октябрь куни Абу-Дабидаги (БАА) “Жанглар ороли”да ўтказилган UFC 254 мусобақасида россиялик Ҳабиб Нурмуҳамедов америкалик Жастин Гэтжи билан куч синашди ва 2 раунддаёқ ғолиб бўлди. Ғалабасидан сўнг Ҳабиб ўз фаолиятини тугатгани ҳақида эълон қилди.
Ҳабиб Нурмуҳамедов UFC’даги фаолияти давомида 29 та жанг ўтказиб, бирор марта ҳам мағлубиятга учрамаган.
Live
All