Kuvayt amiri vafotidan so‘ng mamlakatga yangi amir tayinlandi
Olam
−
30 Sentabr 2020
10294Amir Sabah IV vafotidan so‘ng valiahd shahzoda Navaf al-Ahmad al-Jabir as-Sabah Kuvaytning yangi amiri etib tayinlandi. Bu haqda Vazirlar Mahkamasi ishlari bo‘yicha davlat vaziri Anas Xolid al-Saloh bayonotiga tayanib xabar berilmoqda.
Davlat vazirining ta’kidlashicha, Vazirlar Mahkamasi konstitutsiyaning 4-moddasiga muvofiq valiahd shahzoda shayh Navaf al-Ahmad al-Jabir as-Sabahni Kuvayt davlatining yangi amiri etib tayinlagan. Rasmiy idoralar faoliyati uch kunga to‘xtatilgan. Mamlakatda 40 kunlik motam e’lon qilingan.
Ma’lumot uchun, Kuvayt amiri shayx Sabah al-Ahmad al-Jabir as-Sabah IV kecha, 29 sentyabr kuni vafot etgandi. 91 yoshli amir AQSHda davolanayotgan bo‘lgan.
LiveBarchasi