Eronda har 10 daqiqada 1 kishi koronavirus sabab o‘lmoqda
Olam
−
19 mart 2020
19942Eronda har 10 daqiqada bir kishi koronavirus sabab vafot etmoqda. Bu haqda Eron Sog‘liqni saqlash vazirligi vakili Kiyanush Jahanpur o‘z Twitter sahifasida ma’lum qildi.
Shuningdek, u mamlakatda har soatda 50 kishi ushbu kasallikni yuqturib olayotganini aytdi. Jahanpur fuqarolarni Navro‘z bayrami kunlari sayohatlardan tiyilishga va barcha tashriflarni bekor qilishga chaqirdi.
Jahanpur koronavirus tufayli malakali shifokorlar vafot etayotgani haqida ham aytib o‘tdi. Xususan, Erondagi Suxeday Pakdest shifoxonasida ishlaydigan malakali shifokor Shonin Ruxanirad koronavirus bilan kurashib vafot etganini ochiqdadi. Hozirgacha Eronda o‘n nafar shifokor va to‘rt hamshira allaqachon koronavirus sabab halok bo‘lgan.
Mamlakat Sog‘liqni saqlash vazirligining ma’lumotlariga ko‘ra, koronavirus qurbonlari soni 1 284, kasallikni yuqtirganlar soni esa 18 407 kishiga yetgan.
So‘nggi ma’lumotlarga ko‘ra, dunyo bo‘ylab koronavirusga chalinganlar soni 228 019 nafarga yetgan. Bu kasallik tufayli 9 314 kishi vafot etgan. Bemorlardan 6 941 nafari yoki 5 foizining ahvoli og‘ir. Shu kungacha kasallikni yuqtirganlarning 85 985 nafari bu virusdan forig‘ bo‘lgan.
LiveBarchasi