8 oyda O‘zbekistonda 3450 ta yuk avtomobili ishlab chiqarilgan
Jamiyat
−
18 Sentabr 2019 2515
O‘zbekiston Respublikasi Davlat statistika qo‘mitasi 2019 yilning o‘tgan 8 oyi davomida mamlakatda ishlab chiqarilgan avtomobillar hamda traktorlarning umumiy soni haqida ma’lumot berdi.
Bunga ko‘ra, O‘zbekistonda yengil avtomobillar ishlab chiqarish hajmi 49,5 foizga oshgan. Ya’ni 2019 yilning 8 oyida 172 ming 748 dona avtomobil ishlab chiqarilgan. 2018 yilda bu ko‘rsatkich 115 ming 542 donani tashkil etgan.
Yuk avtomobillarini ishlab chiqarish esa 40,5 foizga ortdi. Jumladan 2019 yilning 8 oyida 3 ming 450ta yuk mashinalari ishlab chiqarilgan bo‘lsa, o‘tgan 2018 yilda bu ko‘rsatkich 2ming 455 donani tashkil etgan.
Avtomobil dvigatellarini ishlab chiqarish 53,5 foizga oshdi. Xususan, 2019 yilning 8 oyida 131ming 7dona dvigatellar ishlab chiqarilgan bo‘lsa, 2018 yilda 85 ming 353 dona dvigatel chiqarilgan.
Shu yilning o‘tgan 8 oyida traktor ishlab chiqarish hajmi 983 donani tashkil etdi, bu 2018 yilning shu davriga nisbatan 60,4 foizga kamdir.
Live
Barchasi
