JTSUning Farg‘ona filiali tashkil etildi

O‘zbekiston Respublikasi Prezidentiing “Jismoniy tarbiya va sport sohasida kadrlar tayyorlash tizimini takomillashtirish va ilmiy salohiyatni oshirish chora-tadbirlari to‘g‘risida”gi qarori qabul qilindi.

Qarorga muvofiq:

O‘zbekiston davlat jismoniy tarbiya va sport universitetining (Universitet) Farg‘ona filiali tashkil etiladi va 2021/2022 o‘quv yilidan o‘z faoliyatini boshlaydi;

Universitetning maxsus laboratoriyasi negizida Jismoniy tarbiya va sport ilmiy tadqiqot instituti tashkil etiladi va 2021 yil 1 yanvardan ish boshlaydi.

2020 yil 1 dekabrdan Universitet respublikadagi barcha jismoniy tarbiya va sport sohasidagi davlat tashkilotlari hamda sport federatsiyalari (uyushmalari) faoliyati ustidan o‘quv va ilmiy-uslubiy rahbarlikni amalga oshiradi. 

2021/2022 o‘quv yilidan Toshkent tibbiyot akademiyasi, Toshkent farmatsevtika instituti va boshqa OTMlarda sport tibbiyoti, farmakologiyasi, reabilitologiyasi, psixologiyasi va diyetologiyasi mutaxassisliklari bo‘yicha kadrlar tayyorlash yo‘lga qo‘yiladi.

Endilikda respublikadagi jami oliy ta’lim muassasalari soni 127 taga yetdi.