JSST koronavirusni yengil o‘tkazganlarga tavsiya bilan chiqdi

Butunjahon sog‘liqni saqlash tashkiloti yengil formali yoki asemptomatik koronavirusga chalinganlarga COVID-19 ga qarshi emlanishni tavsiya qiladi, chunki kasallikdan keyin hammaning ham yetarlicha kuchli immuniteti rivojlanmaydi. Tavsiya JSSTning katta ilmiy xodimi Sumya Svaminatan tomonidan e’lon qilindi, uning intervyusi tashkilot veb-saytida joylashtirilgan.

Svaminatanning tushuntirishicha, yengil formali yoki asemptomatik koronavirusga chalingan odamlarning immuniteti og‘irroq formada kasal bo‘lgan bemorlarga qaraganda zaifroq. Uning aytishicha, emlash organizmning immunitet ta’sirini kuchaytiradi.

“Agar siz allaqachon infeksiyani yuqtirgan bo‘lsangiz ham, vaksinani qabul qilgan bo‘lsangiz ham, u kuchaytiruvchi rolini o‘ynaydi va immunitetni kuchaytiradi”, deydi Svaminatan.

JSST bolalarni emlashga doir tavsiyalar bermagan, chunki hozirda bu bo‘yicha yetarli tadqiqot olib borilmagan. Ammo tez orada tashkilot vaksinaning bolalarga ta’siri to‘g‘risida ko‘proq ma’lumot olishni va 18 yoshgacha bo‘lgan bemorlarga emlash bo‘yicha tavsiyalar berishni rejalashtirmoqda.