Joriy yilda qancha abituriyent talaba bo‘lgani aytildi
Jamiyat
−
30 avgust 2022
134952022-2023 o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari natijalariga ko‘ra 190 375 nafar abituriyent talabalikka tavsiya etildi. Bu haqda Davlat test markazi xabar berdi.
Shundan:
• 39 962 nafari – davlat granti;
• 150 413 nafari – to‘lov-kontrakt asosida talabalikka tavsiya etilgan.
Talabalikka tavsiya etilgan abituriyentlarning ta’lim shakllari bo‘yicha taqsimoti:
• Kunduzgi ta’lim shakli – 118 352 nafar;
• Sirtqi ta’lim shakli – 45 407 nafar;
• Kechki ta’lim shakli – 9 139 nafar;
• Masofaviy ta’lim shakli – 3 416 nafar.
Tanlov natijalariga ko‘ra:
• davlat granti asosida o‘rtacha ball – 121,2 ballni;
• to‘lov-kontrakt asosida o‘rtacha ball – 95,9 ballni tashkil etdi.
Shuningdek, 13 mingdan ziyod abituriyent qo‘shimcha qabul parametrlari doirasida talabalikka tavsiya etilgan.
Ulardan:
• 176 mingdan ziyodi – umumiy qabul parametrlari doirasida;
• 13 mingdan ziyodi – imtiyozga ega abituriyentlar uchun ajratilgan qo‘shimcha qabul parametrlari doirasida tavsiya etilgan.
Jumladan:
• nogironligi bo‘lgan shaxslar – 3,2 ming nafar;
• “Mehribonlik” uyi, Bolalar shaharchasi bitiruvchilari bo‘lgan hamda vasiylikka, homiylikka yoki oilaga tarbiyaga olingan (patronat) yetim bolalar – 272 nafar;
• muddatli harbiy xizmatni o‘tab, harbiy qism qo‘mondonligining tavsiyanomasiga ega bo‘lganlar – 4,7 ming nafar;
• harbiy xizmatchilarning farzandlari – 1,9 ming nafar;
• Ichki ishlar organlarining amaldagi xodimlari farzandlari – 739 nafar;
• ehtiyojmand oilalardagi xotin-qizlar – 1,9 ming nafar;
• kamida 5 yil ish stajiga ega xotin-qizlar – 379 nafar.
LiveBarchasi
07 noyabr 2023
07 noyabr 2023
07 noyabr 2023