Jonson iqlim o‘zgarishiga qarshi kurashni Jeyms Bondning dunyoni qutqarishiga o‘xshatadi

Jeyms Bond ismli britaniyalik agent 007 haqidagi filmlarning bosh qahramoni ko‘pincha dunyoni qutqarish uchun portlovchi moslamaning qizil simini kesishi kerak bo‘lgan vaziyatga duch keladi. Ayni vaqtda iqlim o‘zgarishiga qarshi kurashishga harakat qilayotgan dunyoning lider davlatlari rahbarlari ham xuddi shunday vaziyatda turibdi. Bu haqda Britaniya Bosh vaziri Boris Jonson COP 26 iqlim sammitining ochilishida ta’kidladi.

“Biz, mening hamkasblarim va dunyo yetakchilari bugun Jeyms Bond bilan bir xil holatdamiz. Fojia shundaki, bu film emas, lekin qiyomat qurilmasi haqiqatdir (portlovchi bomba nazarda tutilgan)”, deydi u 1 noyabr kuni Glazgoda so‘zlagan nutqida. 

Uning so‘zlariga ko‘ra, insoniyat uzoq vaqt davomida iqlim o‘zgarishiga qarshi kurashda sust harakat qildi, ammo bugun “portlovchi qurilmani” o‘chirib qo‘yadigan texnologiyalar mavjud. 

“Bizda texnologiya bor, biz mablag‘ topa olamiz va hozir bizning oldimizda turgan savol – bizda xohish bormi?”, deya qo‘shimcha qildi Britaniya Bosh vaziri.

Uning so‘zlariga ko‘ra, agar insoniyat iqlim o‘zgarishiga qarshi kurashish masalalariga bugundan jiddiy yondashishni boshlamasa, ertaga farzandlar uchun kech bo‘ladi. 

“Biz suhbat, munozara va muhokamalardan ko‘mir, mashinasozlik, pul va moliya bo‘yicha kelishilgan real harakatlarga o‘tishimiz kerak. Qiymatiga qaramay yangi umidlar, maqsadlar kerak emas, balki o‘zgarishlarni amalga oshirish uchun aniq majburiyatlar va aniq jadvallar kerak. Biz iqlim o‘zgarishi borasida osmondan tushishimiz kerak”, deydi Jonson.

Birlashgan Millatlar Tashkiloti Bosh kotibi Antoniu Guterrish o‘z nutqida barcha mamlakatlardan iqlim o‘zgarishiga qarshi kurashning barcha sohalarida “zudlik bilan va aniq choralar” kutishini aytdi. Shu bilan birga, uning so‘zlariga ko‘ra, atmosferaga chiqarilayotgan zararli chiqindilar uchun javobgarlikning 80 foizi G20 (Katta yirigmatalik) davlatlarining zimmasiga tushadi. Shuningdek, BMT Bosh kotibi rivojlangan va rivojlanayotgan iqtisodiyotlarni dekarbonizatsiya va ko‘mirni bosqichma-bosqich to‘xtatish uchun koalitsiyalar tuzishga chaqirdi.

Eslatib o‘tamiz, joriy yilning 31 oktyabridan 12 noyabrigacha Shotlandiyaning Glazgo shahrida iqlim o‘zgarishi bo‘yicha jahonning eng yirik konferensiyasi bo‘lib o‘tadi.