Jonson bosh vazirlik poygasidan chiqdi

Buyuk Britaniyaning sobiq Bosh vaziri Boris Jonson qirollikning yangi hukumat rahbari saylovida ishtirok etishdan bosh tortdi, u Konservativlar partiyasi (tori) rahbari lavozimiga nomzodini qo‘ymaydi. Bu haqda “Sky News” yozmoqda.

“Men taklif qiladigan ko‘p narsam bor deb o‘ylayman, lekin qo‘rqamanki, hozir buning ayni vaqt emas”, deydi Jonson.

Torilarning qo‘llab-quvvatlashi “jozibali” edi va Qirollik Bosh vaziri lavozimiga qaytish uchun yaxshi imkoniyat bor edi, deya davom etdi u va “parlamentda yagona partiya” bo‘lmaganida samarali hukumatni tuzish mumkin emasligini ta’kidladi. Sobiq Bosh vazir sobiq Moliya vaziri Rishi Sunak va Buyuk Britaniya Kichik savdo aloqalari vaziri Penni Mordont bilan kelishuvga erisha olmaganini ta’kidladi. Shu munosabat bilan, Jonson eng yaxshi yechim – bu bosh vazirlikka nomzodini qo‘yishdan bosh tortish va g‘olibni qo‘llab-quvvatlash ekanini tushuntirdi.

Jonsonni 59 nafar konservativ deputat qo‘llab-quvvatladi, poygada davom etishi uchun unga 100 deputat kerak edi. Jonsonning o‘zi nomzodini Jamoalar palatasining102 nafar deputati borligini da’vo qildi. Quyi palataning eng ko‘p a’zosi – 144 kishi Sunak nomzodini qo‘llab-quvvatlagan.

Buyuk Britaniya Bosh vaziri Liz Trass iqtisodiy rivojlanish rejasi bozorlar va funt sterlingining qulashiga olib kelganidan keyin lavozimidan keyin iste’foga chiqdi. 44 kuni Bosh vazir bo‘lgan Trassning hukumat rahbari sifatidagi muddati Birlashgan Qirollik tarixidagi eng qisqa muddat bo‘ldi.