Zelenskiy Yevropa Ittifoqini Rossiyaga qarshi ko‘proq jazo choralari ko‘rishga chaqirdi

Avvalroq, Yevrokomissiya rahbari Ursula fon der Lyayen va Yevropa Ittifoqi diplomatiyasi rahbari Xosep Borrel Ukrainaga rasmiy tashrif bilan borgani haqida xabar berilgan edi. Bugun, 3 fevral kuni Yevropa Ittifoqi rahbarlari Kiyevda Ukraina Prezidenti Vladimir Zelenskiy bilan uchrashib, Rossiyaga qarshi yangi sanksiyalar va’dasini oldi. Bu haqda “Reuters” nashri xabar berdi.

Qayd etilishicha, Zelenskiy Yevropa Ittifoqini Rossiyaga nisbatan ko‘proq jazo choralarini ko‘rishga chaqirgan.

“Bizni qadrlaydigan hayotni himoya qila olamiz va keyingi integratsiyamiz orqali xalqimizga to‘siqlar va tahdidlardan qat’iy nazar kurashish uchun energiya va motivatsiya bera olamiz”, deya ta’kidlagan Zelenskiy uchrashuv chog‘ida.

Uchrashuvda Ursula fon der Lyayen Rossiyaga qarshi o‘ninchi sanksiyalar to‘plamini joriy qilishini aytgan. Shuningdek, Yevropa Ittifoqi 2022 yil fevral oyidan boshlab, Rossiya Federatsiyasiga qarshi to‘qqizta iqtisodiy va individual sanksiyalarni kiritganini ta’kidlagan.