Yevropa ligasi chorak final bahslariga qur’a tashlandi

Bugun, 25 fevral kuni UEFA’ning Shveysariyaning Non shahridagi shtab-kvartirasida Yevropa ligasi chorak final bosqichiga qur’a tashlandi.

Unga ko‘ra, turnir favoriti “Barselona” “Galatasaroy”ga qarshi saf tortsa, “Sevilya” Angliyaning “Vest Xem” klubiga qarshi maydonga tushadi. Shuningdek, Moskvaning “Spartak” klubi moskvaliklarning sobiq ustozi Tedesko murabbiyligidagi “Leypsig”ga qarshi o‘yin o‘tkazadi.

Barcha juftliklar bilan tanishing:

“Reynjers” (Shotlandiya) – “Srvena Zvezda” (Serbiya)
“Braga” (Portugaliya) – “Monako” (Fransiya)
“Portu” (Portugaliya) – “Lion” (Fransiya)
“Atalanta” (Italiya) – “Bayer” (Germaniya)
“Sevilya” (Ispaniya) – “Vest Xem” (Angliya)
“Barselona” (Ispaniya) – “Galatasaroy” (Turkiya)
“RB Leypsig” (Germaniya) – “Spartak” (Rossiya).

Ma’lumot o‘rnida, chorak final dastlabki uchrashuvlari 10 mart kuni o‘tkazilsa, javob bahslari 17 mart kuniga rejalashtirilgan.

Ma’ruf Abdumalikov