Yerning o‘sib borayotgan aholisini boqish chorasi topildi

Sayyoramiz aholisi tez sur’atlar bilan o‘sib bormoqda. Ushbu jarayonda oziq-ovqat tanqisligi ham yuzaga kelishi tabiiy.  Statistikaga e’tibor qaratadigan bo‘lsak hozirda Yer yuzida 800 milliondan ortiq inson to‘yib ovqatlanmaydi.  153 million kishi ochlikning eng keskin shaklidan aziyat chekmoqda.

Amerikaning Kornell universiteti olimlari bu muammoga yechim topish uchun fotosintez jarayonini yaxshilaydigan yuqori mahsuldor qishloq xo‘jaligi o‘simliklarini yaratish usulini aniqladi.

Shu tariqa, ular 2050 yilga borib tinimsiz o‘sib borayotgan Yer aholisini boqish uchun oziq-ovqat tanqis hududlarda ekinlar hosildorligini oshirishga umid qilmoqda.

Ta’kidlanishicha, xloroplastlarda karbonat angidraz fermenti mavjud. U bikarbonat (HCO3), karbonat angidrid va suv o‘rtasidagi o‘zaro reaksiyani katalizlaydigan C3 yo‘li orqali uglerodni tuzatadigan o‘simliklarda fotosintezni osonlashtiradi. Bu o‘zlashtiriladigan karbonat angidrid va bikarbonat o‘rtasidagi muvozanatni ta’minlaydi. Shuning uchun fotosintezning mahsuldorligi uchun karbonat angidrazni olib tashlash kerak.

Mutaxassislar CRISPR/Cas9 genlarini tahrir qilish tizimidan foydalandi va xloroplastlar ichida karbonat angidraz b-CA1 va b-CA5 ning ikki turini kodlovchi ikkita genning faolligini blokladi. Ma’lum bo‘lishicha, bu holda o‘simliklar normal o‘sadi.