Yemelyanenkoning xayrlashuv jangi Moskvada o‘tkazilmaydigan bo‘ldi

“Bellator MMA”ning rossiyalik og‘ir vaznli jangchi Fedor Yemelyanenkoning xayrlashuv jangi Moskva shahrida o‘tkazilmaydi. Bunday qarorga kelish uchun aniq sabablar bor. Bu haqda “Bellator MMA” prezidenti Skott Koker ma’lum qildi.

“Fedor bilan xayrlashuv jangini Moskvada o‘tkazmaymiz. Aniq sabablarga ko‘ra, biz muqobil joy qidiramiz. Ha, Moskvada ajoyib shou rejalashtirilgan edi. Hatto shuni aytishim mumkinki, biz ushbu jangni Qizil maydonda o‘tkazishga ruxsat olgandik. Bu “The Graetest” (Feodorning laqabi) uchun ajoyib xayrlashuv bo‘lardi. Ammo endi biz rejalarni o‘zgartirishimiz, xuddi shunday ajoyib shouni boshqa joyda tashkillashtirishni o‘ylab topishimiz kerak. Fedor yaxshi xayrlashuvga loyiq. Biz uning so‘nggi janggi  qaysi manzilda sodir bo‘lishini hali bilmaymiz”, degan Koker.

Ma’lumot o‘rnida, 45 yoshli MMA afsonasi Yemelyanenko joriy yilning oktyabr oyida yetkazilgan so‘nggi jangida Timoti Jonsonni birinchi raunddayoq nokautga uchratgan edi.

Ma’ruf Abdumalikov