Yarimta yo‘llanma jangi: Bugun O‘zbekiston Saudiyaga qarshi o‘ynaydi
Sport
−
26 aprel 8732
Bugun, 26 aprel kuni futbol bo‘yicha U-23 Osiyo kubogining chorak final o‘yinlari start oladi. O‘zbekiston Olimpiya jamoasi mazkur bosqichda Saudiya Arabistoni bilan kuch sinashadi.
O‘zbekiston-Saudiya Arabistoni juftligi g‘olibi shu yili Fransiya poytaxti Parij shahrida o‘tkaziladigan Olimpiada yo‘llanmasi uchun katta qadam tashlaydi, ya’ni o‘yinda yutgan jamoa kamida Olimpiya o‘yinlari yo‘llanmasi pley-off o‘yinida qatnashish imkoniyatiga ega bo‘ladi.
Temur Kapadze shogirdlari Saudiyaga qarshi o‘yinda to‘liq oq libosda harakatlanadi. Bahsda zafar quchgan jamoa turnir yarim finalida Indoneziya bilan to‘qnash keladi.
Ma’lumot uchun, O‘zbekiston-Saudiya Arabistoni o‘yini soat 19:00 da boshlanadi. Bahsga Doha shahridagi “Khalifa International” stadioni mezbonlik qiladi.
Live
Barchasi
