Yangi tuzilgan tumanga 3 ta sektor rahbarlari tayinlandi

Jamiyat

−

20 aprel 2022 visibility6939

0:00

download

O‘zbekiston Prezidenti Shavkat Mirziyoyev qarori bilan tashkil etilgan Qashqadaryo viloyatidagi Ko‘kdala tumaniga prokuror, Ichki ishlar bo‘limi boshlig‘i va Davlat soliq inspeksiyasi boshlig‘i tayinlandi. Bu haqda viloyat hokimligi matbuot xizmati xabar berdi.

Qayd etilishicha, tuman prokurori lavozimini Bahrom Mengirovich Bekbo‘tayev egallagan. U 1985 yil Qashqadaryo viloyati Qamashi tumanida tug‘ilgan.

Ichki ishlar boshqarmasi boshlig‘i etib Sherzod O‘tkirovich Shokirov tayinlangan. U 1980 yilda viloyatning Koson tumanida tug‘ilgan.

Davlat soliq inspeksiyasi boshlig‘i lavozimi Faxriddin Jalolivich Muhammadiyevga nasib etgan. Faxriddin Muhammadiyev 1972 yil Kitob tumanida tug‘ilgan.

Eslatib o‘tamiz, Qashqadaryo viloyati Ko‘kdala tumaniga Xurram Abdurazikovich Jo‘rayev hokim etib tayinlangandi.

Maqola muallifi