O‘zgidromet shoshilinch axborot bilan chiqdi
Bu qiziq
−
09 dekabr 2022 64885
Respublikaning bir qancha hududlarida qor ko‘chish xavfi e’lon qilindi. Bu haqda O‘zgidromet xabar berdi.
Qayd etilishicha, joriy yilning 10-13 dekabr kunlari yog‘ingarchilik hamda havo haroratining sezilarli o‘zgarishlari sababli mamlakatning bir qator tog‘li hududlarida qor ko‘chish ehtimoli mavjud. Jumladan:
- Qashqadaryo viloyati: Kitob, Shahrisabz, Qamashi, Dehqonobod tumanlarida;
- Surxondaryo viloyati: Qumqo‘rg‘on, Sariosiyo, Uzun, Boysun tumanlarida;
- Samarqand viloyati: Qo‘shrabot, Nurobod, Samarqand, Urgut, Bulung‘ur tumanlarida;
- Jizzax viloyati: Zomin, Baxmal tumanlarida;
- Toshkent viloyati: Parkent, Ohangaron, Bo‘stonliq tumanlarida va Chotqol tizmasining “Chimyon” tog‘larida;
- Namangan viloyati: Pop tumanida;
- Farg‘ona viloyati: So‘x, Farg‘ona tumanlarida.
Avvalroq O‘zbekistonning ba’zi joylarida -24 daraja sovuq bo‘lishi haqida xabar berilgandi.
Live
Barchasi