O‘zgidromet dam olish kunlari kutilayotgan ob-havo haqida ma’lumot berdi

Bu qiziq 14685
image
-

Bugun, 2 aprel kuni O‘zbekistonga G‘arbiy Sibirning janubiy hududlaridan sovuq antitsiklon kirib keladi. Shuningdek, kunduzi antitsiklon sharqga qarab siljiydi va Eron hududidan iliq havo kirib kelishi boshlanadi Bu haqda Gidrometeorologiya xizmati markazi xabar berdi.

Ertaga, 3 aprel kuni iliq havoning kirib kelishi kuchayadi, kechasi harorat 0-5 darajani tashkil etadi, kunduzi harorat 19-22 darajagacha ko‘tariladi, bu aprel oyi boshidagi o‘rtacha ko‘p yillik qiymatlaridan 2-3 daraja yuqoridir. Respublika bo‘yicha yog‘ingarchiliksiz ob-havo bo‘lishi kutilmoqda, faqat shimoliy hududlar bo‘yicha ba’zi joylarda yomg‘ir yog‘adi, momaqaldiroq bo‘lishi mumkin.

Yakshanba kuni nam havo massasi respublikaning barcha hududlarini qamrab oladi. Barcha joylarda yomg‘ir yog‘adi, momaqaldiroq bo‘lishi mumkin, ba’zi joylarda shamol 17-22 m/sgacha kuchayadi. Havo harorati 8-13 darajani tashkil etadi, kunduzi 11-16 darajadan yuqori bo‘lmaydi. Shimoliy hududlarda kechasi va ertalab yomg‘ir yog‘adi, Farg‘ona vodiysi viloyatlarida yomg‘ir va momaqaldiroq bilan kuzatiladigan atmosfera fronti kechqurun bo‘lib o‘tadi.

Toshkent viloyatida va Farg‘ona vodiysida kechasi va kunduzi 5 aprelda yomg‘ir yog‘ishi saqlanib turadi.

Respublikaning tog‘ oldi va tog‘li hududlarida 4-5 aprelda yomg‘ir yog‘ishi kuchli bo‘ladi, buning hisobiga ushbu hududlarda sel kelishi mumkin.

2-4 aprelda Toshkent va Namangan viloyatlarining 1600 m dan yuqori tog‘li hududlarida qor ko‘chishi xavfi bor.

Sunnatilla Abdullayev
Maqolaga baho bering
Baholaganlar: 485
Reyting: 3
Teglar
t
×