O‘zbekistonlik taekvondochilar xalqaro turnirga jo‘nab ketdi
Sport
−
09 mart 2023 2716
Tayekvondo WT bo‘yicha O‘zbekiston terma jamoasi xalqaro musobaqalarda ishtirok etish uchun Yevropa safariga yo‘l oldi. Bu haqda Milliy Olimpiya qo‘mitasi matbuot xizmati xabar berdi.
Ma’lum bo‘lishicha, o‘zbekistonlik sportchilar 11-12 mart kunlari Niderlandiyaning Eyndxoven shahrida “Dutch Open”, 18-19 mart kunlari Belgiyaning Lommel shahrida “Belgian Open” musobaqalarida ishtirok etadi. G-2 tasnifidan o‘rin olgan ushbu turnirlar Parij-2024 Olimpiadasiga qimmatli reyting ochkolarini taqdim qiladi.
Pavel Xan boshchiligidagi murabbiylar shtabi mazkur turnirlar uchun quyidagi sportchilarni tanlab oldi:
-68 kg: Niyoz Po‘latov;
-74 kg: Ulug‘bek Rashidov;
-74 kg: Jasur Jaysunov;
-80 kg: Shuhrat Salayev;
-87 kg: Nikita Rafalovich;
-49 kg: Madinabonu Mannopova;
-67 kg: Feruza Sodiqova;
+73 kg: Svetlana Osipova.
Live
Barchasi