O‘zbekistonlik imomlar AQSHga safar qiladi

Shu yilning 9-noyabridan 19 noyabriga qadar o‘zbekistonlik ulamolar Hasanxon Yahyo Abdulmajid va Qamariddin Bahriyev Amerika Qo‘shma Shtatlariga safar qiladi va u yerdagi vatandoshlar bilan uchrashadi.

Xizmat safari O‘zbekiston Tashqi ishlar vazirligi, Musulmonlar idorasi va AQSHdagi vatandoshlar tashkilotlari bilan hamkorlikda tashkil etilmoqda.

O‘zbekistonning AQSHdagi elchixonasi ma’lum qilishicha, uchrashuvlar quyidagi shaharlarda bo‘lib o‘tadi:

9-10 noyabr kunlari Filadelfiyadagi Isabet Academic Campus’da, mahalliy vaqt bilan soat 04:00 da;

11 noyabr kuni Nyu-Yorkdagi Imam Abu Hanifa masjidida, soat 12:00 da;

12 noyabr kuni Nyu-Yorkdagi Emir Palace restoranida. Soat 11:00 da;

13-14 noyabr kunlari Sinsinnati shahridagi (Ohayo shtati) West Chester Township’da soat 16:00 da;

16 noyabr kuni Chikagodagi Masjid-ul-Islam masjidida, soat 06:00 da;

18-19 noyabr kunlari Orlando shahridagi Al-Bukhari islomiy markazida, soat 12:00 da.

Shahboz Abdusattorov