O‘zbekistonlik futbolchi mashhur rus klubi a’zosiga aylandi
Sport
−
02 noyabr 2022 5087
Namanganning "Navbahor" klubida to‘p tepayotgan himoyachi Rustam Ashurmatov faoliyatini Rossiyaning "Rubin" klubida davom ettiradigan bo‘ldi. Bu haqda Metaratings.ru sayti xabar bermoqda.
Xabarga ko‘ra, Ashurmatov rus klubi bilan uch yarim yillik shartnoma imzolagan. O‘zbekiston milliy terma jamoasi futbolchisi "Rubin"ga erkin agent sifatida qo‘shiladi. Joriy mavsumda Rustam Ashurmatov "Navbahor" safida 22 ta uchrashuvda maydonga tushib, 3 ta golni o‘z hisobiga yozdirib qo‘ydi.
Ma’lumot uchun, 26 yoshli futbolchi faoliyati davomida "Navbahor"dan tashqari "Bunyodkor", "Qo‘qon-1912", "Kvanju" va "Kanvon" klublarida to‘p surgan. "Kvanju" klubi safida himoyachi 2018-2019 yilgi mavsumda Koreya ikkinchi ligasining bosh sovrinini qo‘lga kiritgan edi.
Shaxzod Shukurov
Live
Barchasi