O‘zbekistonda Markaziy Osiyodagi eng yirik sholini qayta ishlash zavodi qurildi

Jamiyat

−

09 noyabr 2020 visibility7186

Toshkent viloyatida Markaziy Osiyodagi eng yirik sholini qayta ishlash zavodi ish boshladi. Bu haqda Toshkent viloyati hokimligi Matbuot xizmati xabar bermoqda.

Ma’lumotlarga ko‘ra, zavod Quyi Chirchiq tumanidagi “Surum” MFY hududida joylashgan. Loyiha qiymati 25 milliard so‘mdan ziyodni tashkil qilmoqda. Ayni paytda ushbu yirik loyiha foydalanishga topshirilish arafasida. Majmua “TST Sluster” tomonidan bunyod etildi. Natijada “TST Rice” sholichilik klasterida to‘liq sanoat zanjiri yaratildi.

Uning birinchi bosqichida mavsum davomida 25 ming tonnadan 40 ming tonnagacha sholini quritish va qayta ishlash imkoniyati beradi. Hozir majmua hududi obodonlashtirilib, korxona deyarli tayyor holga keltirildi. Zavodning rasmiy ochilish marosimi shu haftada bo‘lib o‘tishi kutilmoqda.