O‘zbekistonda Ekologik kodeks ishlab chiqiladi

O‘zbekiston Davlat ekologiya qo‘mitasi keng jamoatchilik, ilmiy-tadqiqot institutlari, fuqarolik jamiyati institutlari va ommaviy axborot vositalari vakillarini jalb etgan holda 2022 yil 1 dekabrga qadar Ekologik kodeks loyihasini ishlab chiqadi.

Loyihada quyidagilar nazarda tutiladi va belgilangan tartibda Vazirlar Mahkamasiga kiritiladi:

•    ekologiyaga oid qonunchilik hujjatlarini tizimlashtirish va ixchamlashtirish;

•    atrof-muhitni muhofaza qilish sohasida jamoatchilik nazoratining roli va ta’sirini oshirish;

•    bioxilma-xillikni asrash, tiklash va ko‘paytirishning aniq mexanizmlari va rag‘batlantirish tizimini joriy etish;

•    atrof-muhitni muhofaza qilishda davlat tashkilotlari va fuqarolarning huquq va majburiyatlari;

•    ekologik nazorat va monitoring turlarini amalga oshirish tartibi, shu jumladan, “yashil iqtisodiyotni” rag‘batlantirish choralari;

•    ekologik ekspertizani amalga oshirish tartibi.

Avvalroq mamlakatda daraxt kesish uchun moratoriy muddatsiz davrga uzaytirilgani, uni buzganlarga jarima oshirilgani haqida xabar bergan edik.