O‘zbekistonda advokatlar soni Qozog‘istondan ikki, Germaniyadan esa o‘n barobar kam – Davletov
Jamiyat
−
24 fevral 2021
4291O‘zbekistonda advokatlar soni Qozog‘istondan ikki, Germaniyadan esa o‘n barobar kam. Bu haqda O‘zbekiston Respublikasi Adliya vaziri Ruslanbek Davletov ma’lum qildi.
“Hozirda Respublika bo‘yicha qariyb 4 200 yaqin advokat faoliyat yuritmoqda. Statistikaga nazar soladigan bo‘lsak, har 8 500 nafar fuqaroga bitta advokat to‘g‘ri kelmoqda. Taqqoslash uchun, Qozog‘istonda 3 900 fuqaroga bitta advokat to‘g‘ri keladi.
Bu shuni anglatadiki, O‘zbekistonda aholi soniga nisbatan advokatlar soni ikki baravarga kam.
Agar Germaniya bilan solishtirsak, u yerda o‘rtacha 500 nafar fuqaroga 1 advokat to‘g‘ri keladi. Bizga qaraganda 10 baravarga ko‘p”, deydi Adliya vaziri.
Ma’lum qilinishicha, hozirda O‘zbekistonda faoliyat yuritayotgan advokatlarning 60 foizi 50 yoshdan oshgan, 30 yoshgacha bo‘lgan advokatlar soni esa atigi 40 nafarni tashkil qiladi.
LiveBarchasi
07 noyabr 2023
07 noyabr 2023
07 noyabr 2023