O‘zbekiston Jahon xayriya indeksida keskin ko‘tarildi
Jamiyat
−
11 avgust 2021
7841O‘zbekiston Jahon xayriya indeksida 114 ta davlat orasida 53-o‘rindan 29-o‘ringa yuqoriladi. Bu haqda Oliy Majlis Senat raisi Tanzila Norboyeva boshchiligida o‘tkazilgan Xalqaro reyting va indekslar bilan ishlash bo‘yicha respublika kengashining yig‘ilishida ma’lum qilindi.
Qayd etilishicha, yig‘ilishda ijtimoiy-iqtisodiy va siyosiy-huquqiy sohaga oid ustuvor xalqaro reyting va indekslarda O‘zbekistonning o‘rnini yaxshilash bo‘yicha 2021 yilga mo‘ljallangan chora-tadbirlar rejasining birinchi yarim yillikdagi ijrosi muhokama qilingan.
“S&P Global Ratings” tomonidan yuritiladigan suveren kredit reytingida mamlakat o‘sish qayd etgan. Bundan tashqari, Parlamentlararo ittifoq tomonidan yuritiladigan Siyosatdagi ayollar jahon reytingining parlamentdagi ayollar qismida O‘zbekiston 130-o‘rindan 45-o‘ringa ko‘tarilgan.
Shuningdek, Jahon xayriya indeksida 114 ta davlat orasida 53-o‘rindan 29-o‘ringa yuqorilagani ma’lum bo‘lgan. Shu bilan birga, yig‘ilishda Jahon iqtisodiy forumining global raqobatbardoshlik indeksida O‘zbekistonning o‘rnini aks ettirish bo‘yicha chora-tadbirlar rejasining ijrosi ham muhokama qilingan.
LiveBarchasi
07 noyabr 2023
07 noyabr 2023
07 noyabr 2023