O‘zbekiston Koreya Respublikasi ustidan irodali g‘alabaga erishib, Osiyo chempionatiga yo‘l oldi!

Bugun, 7 oktyabr kuni futbol bo‘yicha O‘zbekiston U-17 terma jamoasi koreyalik o‘smirlarga qarshi bahs yuritdi. Unda hamyurtlarimiz irodali ravishda g‘alaba qozonib, Osiyo chempionati yo‘llanmasini qo‘lga kiritishdi. 

Birinchi bo‘limning 26-daqiqasida Kang Minvu o‘yinda hisobni ochdi.

Keyingi gol ikkinchi taymning 72-daqiqasiga to‘g‘ri keldi. Unda Yu Byungxon burchakdan uzatilgan to‘pni o‘z darvozasiga kiritib qo‘ydi.

81-daqiqada milliy jamoamiz sardori Lazizbek Mirzayev jarima zarbasini golga aylantirib, muvozanatni tikladi.

Hakam tomonidan qo‘shib berilgan daqiqalarda esa zaxiradan o‘yinga qo‘shilgan Mamadalixon Olimov raqib posbonini ojiz qoldirib, O‘zbekistonga qit’a birinchiligi yo‘llanmasini taqdim etdi. 

O‘zbekiston – Koreya Respublikasi 3:2 
Gollar: 0:1 – Kang Minvu (26), 1:1 – Yu Byungxon (avtogol) (72), 1:2 – Yu Byungxon (77), 2:2 – Lazizbek Mirzayev (81), 3:2 – Mamadalixon Olimov (90+4) 

O‘zbekiston: 21.Muhammadyusuf Sobirov, 3.Daniil Panfyorov, 5.Azizbek To‘lqinbekov, 6.Ozodbek O‘ktamov, 7.Lazizbek Mirzayev (s), 8.Behruz Shukurullayev, 13.Behruz Jumatov, 14.Shodiyor Shodiboyev, 17.Ollobergan Karimov, 19.Sherzodbek Abdulboriyev, 23.Dilshod Abdullayev

Koreya Respublikasi: 23.Xong Songmin, 3.Na Yeonxun, 4.Kang Minvu, 6.Li Changvu, 7.Bak Invu, 9.Kim Minsung, 13.Yang Minxyok, 14.Kim Myongjun, 16.Lim Xyunsub, 18.Kim Bumxvan, 20.Ko Jongxyun.

Eslatib o‘tamiz, o‘zbekistonlik o‘smirlar ilk turda Bruney darvozasiga javobsiz 14 ta to‘p yo‘llashgan edi.