O‘zbekiston Butunjahon Universiadasida dastlabki medalni qo‘lga kiritdi
Sport
−
29 Iyul 2023 4578 1 daqiqa
Xitoyning Chendu shahri mezbonlik qilayotgan XXXI yozgi Butunjahon Universiada o‘yinlarining dzyudo bellashuvlarida o‘zbekistonlik Kamoliddin Baxtiyorov bronza medalga ega chiqdi.
-60 kg da bahslarga kirishgan Baxtiyorov yarim finalgacha raqiblarini birin-ketin dog‘da qoldirdi. Finaldan oldingi bahsda O‘zbekiston vakili Tokio Olimpiadasining kumush medali sohibi, Xitoy Taypeyi vakili Yang Yung-Veyga qarshi tatamiga chiqib, mag‘lubiyatga uchradi.
3-o‘rin uchun bahsda Baxtiyorov mo‘g‘ulistonlik Sumiyabazar Enxtayvandan ustun kelib, O‘zbekiston jamoasi hisobiga Universiadadagi dastlabki medalni qo‘shib qo‘ydi.
Ma’lumot uchun, Universiada o‘yinlari 8 avgustga qadar bo‘lib o‘tadi. Bu yilgi Universiadada O‘zbekiston delegatsiyasi taekvondo WT, dzyudo, ushu, gimnastika, tennis, qilichbozlik va yengil atletika sport turlarida 77 nafar atlet bilan qatnashadi.
Live
BarchasiZangiotadagi binoda yong‘in chiqdi
15 Noyabr
Sudan armiyasi nazoratni qayta tikladi
15 Noyabr