Urush uchun rus sportchilari jazolanmasligi kerak – Serxio Peres

Sport

−

07 mart 2022 visibility8040

“Formula-1” bo‘yicha “Red Bull” jamoasining meksikalik piloti Serxio Peres rossiyalik sportchilarning xalqaro musobaqalarda ishtirok etishdan chetlatilgani to‘g‘ri emas, deb hisoblaydi.

Serxio Peres rossiyalik sportchilar Valdimir Putin boshlagan urush uchun tovon puli to‘layotganiga ishonadi.

“Men rossiyalik sportchilar Putin boshlagan urush uchun tovon puli to‘layotganiga ishonaman. Biroq, ular o‘z prezidentlarining qilmishlari uchun jazolanmasligi kerak, deb o‘ylayman”, degan Peres.

Ma’lumot o‘rnida, “Formula-1”da rossiyaliklar va belarusliklarga poygalarda qatnashishga ruxsat berilgan. Biroq ular poygalarda o‘z vatani nomidan emas, neytral maqom ostida ishtirok etadi.

Ma’ruf Abdumalikov

Maqola muallifi