Ukrainalik Paralimpiya sovrindori ikki yilga diskvalifikatsiya qilindi 

Ukrainalik parasuzuvchi Yaroslav Denysenko Tokio-2020 o‘yinlari arafasida topshirgan doping-sinamasidan taqiqlangan “gidroxlortiazid” moddasi aniqlangani uchun Paralimpiya o‘yinlarida ishtirok etishdan mahrum etilgan edi. Komissiyaning yakuniy qaroriga ko‘ra, sportchi 2023 yilning 9 avgustiga qadar barcha musobaqalardan chetlashtirildi.

Eslatib o‘tamiz, Tokio-2020 o‘yinlaridan oldin sportchilardan olingan doping-sinamada taqiqlangan modda aniqlanadigan bo‘lsa, unda ishtirokchilarning musobaqalarga qo‘yilmasligi va surishtiruv ishlariga jalb qilingan holda o‘z mamlakatiga qaytarib yuborilish tartibi yo‘lga qo‘yildi. Shu bois, ukrainalik para suzuvchi Tokio-2020 o‘yinlarida ishtirok etish huquqidan mahrum etildi.

Ma’lumot o‘rnida, Yaroslav Denysenko ko‘zi ojiz sportchilar o‘rtasida Jahon va 2 karra Yevropa chempionligini, shuningdek, Rio-2016 Paralimpiya o‘yinlarida 100 va 400 metrga erkin suzish, 100 metrga batterflyay va 200 metr masofaga kompleks usulda suzish bo‘yicha to‘rtta bronza medalini qo‘lga kiritgan edi.

Ilyosbek Maxmudov