Ukraina MDHning bir nechta kelishuvlaridan chiqdi

Bugun, 22 may kuni Oliy Rada Ukrainaning Mustaqil Davlatlar Hamdo‘stligiga a’zo davlatlar xalqlarining urushdagi jasorati va qahramonligi xotirasini abadiylashtirish to‘g‘risidagi bitimdan chiqishi to‘g‘risidagi qonunni ma’qulladi. Bu haqda “Xalq xizmatchisi” partiyasi rahbari Yelena Shulyak ma’lum qildi.

“Parlament bir nechta muhim ratifikatsiyalar uchun ovoz berdi, jumladan, MDHga a’zo davlatlarning 1941-1945 yillardagi Ikkinchi jahon urushida jasorat va qahramonlik xotirasini abadiylashtirish to‘g‘risidagi shartnomadan chiqish to‘g‘risidagi qonun loyihasi”, deydi Shulyak.

Bundan tashqari, Rada Mustaqil Davlatlar Hamdo‘stligiga a’zo davlatlarning umumiy qishloq xo‘jaligi bozori to‘g‘risidagi bitimdan chiqish to‘g‘risidagi qonunni qabul qilgan. Ukraina MDHga a’zo davlatlar o‘rtasida noqonuniy migratsiyaga qarshi kurash bo‘yicha hamkorlik to‘g‘risidagi bitimdan ham chiqqan.

Oliy Rada, shuningdek, Ukraina hukumati va Rossiya Federatsiyasi hukumati o‘rtasida daromadlar va mol-mulkni ikki tomonlama soliqqa tortishning oldini olish va soliq to‘lashdan bo‘yin tovlashning oldini olish to‘g‘risidagi kelishuvni ham bekor qilgan. Ushbu kelishuvdan chiqish haqidagi qaror Ukraina Vazirlar Mahkamasi tomonidan 29 aprel kuni qabul qilingan.