UFC reytingida katta o‘zgarishlar bo‘ldi

BAA poytaxti Abu-Dabida bo‘lib o‘tgan UFC 280 promousheni janglari tabiiyki, UFC reytingiga ham ta’sir qildi.  Yangilangan reytingdan ko‘rish mumkinki, yarim o‘rta, yengil va eng yengil vazn toifalari reytingida o‘zgarishlar sodir bo‘lgan.

Yarim o‘rta vazn (77,1 kg gacha) da AQSH vakili Belal Muhammad Shon Bredini mag‘lub etib, 6-o‘rindan 4-o‘ringa ko‘tarildi. Hamzat Chimayev (Shvetsiya) 4-o‘rindan 5-o‘ringa tushib ketdi. Braziliyalik Gilbert Byorns ham reytingda bir pog‘ona pastlab. 6-o‘rindan joy oldi. Qozog‘istonlik Shavkat Rahmonov 9-o‘ringa ko‘tarilgan bo‘lsa, Shon Bredi (AQSH) 10-o‘ringa tushib ketdi.

Yengil vazn (70,3 kg gacha) da Islom Maxachev (RF) braziliyalik Charlz Oliveyrani mag‘lub etdi va 5-o‘rindan 1-o‘ringa ko‘tarilib oldi. Oliveyra esa reytingda bir pog‘ona pastladi. Dastin Pore (AQSH) 2-o‘rindan 3-o‘ringa tushib ketdi. Yana bir AQSH vakili Jastin Getji ikki pog‘ona pastlab, 5-o‘rindan joy egalladi.

Eng yengil vazn (61,2 kg gacha) da Merab Dvalishvili (Gruziya) 4-o‘rindan 2-o‘ringa ko‘tarildi. Petr Yan (RF) 2-o‘rindan 3-o‘ringa tushib ketdi. Ekvadorlik Marlon Vera 5-o‘rindan 4-o‘ringa ko‘tarildi, Shon O'Melli (AQSH) Petr Yanni mag‘lub etib, kuchli o‘ntalikka kirishni uddaladi. Yangilangan reytingda O'Melli 5-o‘rinni band etgan.

Shuningdek, eng yengil vaznda amerikalik Dillashou, Joze Aldu (Braziliya), Dominik Kruz, Rob Font (ikkalasi ham AQSH) reytingda pastlashgan,

Eslatib o‘tamiz, 22 oktyabr kungi UFC 280 oqshomida, Islom Maxachev Charlz Oliveyrani mag‘lub etib, yengil vaznda UFC kamari sohibiga aylangandi.

Shaxzod Shukurov