Tursunov Navoiy viloyati hokimi lavozimiga tasdiqlanishi kutilmoqda

Jamiyat 7661
image

Bugun, 25 noyabr kuni O‘zbekiston Respublikasi Prezidenti Shavkat Mirziyoyev ishtirokida o‘tayotgan Xalq deputatlari Navoiy viloyati Kengashi sessiyasida viloyatga hokim tayinlash masalasi ham ko‘rib chiqilmoqda. 

Prezident viloyat faollarining bildirgan fikrlari asosida Navoiy viloyati hokimi lavozimiga hokim vazifasini bajarib kelayotgan Normat To‘lqunovich Tursunov nomzodini tavsiya etdi.

Nomzodning hududni jadal rivojlantirish, aholiga munosib turmush sharoiti yaratish, mavjud muammolarni hal etish bo‘yicha rejalarini eshitish taklif qilindi.

Eslatib o‘tamiz, viloyatning avvalgi hokimi Qobul Tursunov 2021 yilning 8 noyabr kuni lavozimidan ozod etilgan edi. O‘shandan buyon Normat To‘lqunovich Tursunov viloyat hokimi vazifasini bajaruvchi lavozimida ishlab kelmoqda. 

Qalampir.uz Tahririyati
Maqolaga baho bering
Baholaganlar: 201
Reyting: 3.1
t
×