Turkmaniston afg‘on xalqiga yil oxirigacha yordam bermoqchi
Olam
−
12 dekabr 2021 3380
Turkmaniston joriy yilning oxirigacha Afg‘onistonga oziq-ovqat, kiyim-kechak va neft jo‘natadi. Bu haqda "Turkmenistan Today" axborot agentligi xabar bermoqda.
Qayd etilishicha, joriy yilning 10 dekabr kuni Turkmaniston Prezidenti Gurbanguli Berdimuhammedov Vazirlar Mahkamasining kengaytirilgan yig‘ilishida Afg‘onistonga gumanitar yuklarni yetkazib berish to‘g‘risidagi farmonni imzolagan. Gumanitar yordamni yetkazib berish uchun javobgarlik mamlakat Tashqi ishlar vazirligiga yuklangan.
Farmonga ko‘ra, Qishloq xo‘jaligi vazirligi, To‘qimachilik sanoati departamenti, "Turkmengaz" davlat konserni, "Seydi" neftni qayta ishlash zavodi, "Turkmanboshi" neftni qayta ishlash kombinati hamda Sanoatchilar va tadbirkorlar ittifoqiga ro‘yxatda ko‘rsatilgan tovarlarni o‘tkazish topshirilgan.
Live
Barchasi