Dosso Dossi Holding O‘zbekistonda ilk bor moda ko‘rgazmasini o‘tkazdi

Turkiyada o‘tkazilgan moda namoyishlari va podiumda namoyish etilgan eng yaxshi modellar tufayli dunyo miqyosida tan olingan “Dosso Dossi Fashion Show” 24-25 avgust kunlari birinchi marta Toshkentda ko‘rgazma tashkil etdi.

O‘zbekiston va qo‘shni mamlakatlar xaridorlariga 100 xil to‘qimachilik brendlarini taqdim etgan Dosso Dossi Holding boshqaruvi raisi Hikmat Eraslan mamlakatda ko‘rgazmalarni doimiy ravishda o‘tkazish niyatida ekanini aytdi.

“O‘zbekistonda bo‘lganimizdan juda xursandmiz. Biz O‘zbekistondagi ko‘rgazmamizni an’anaviy qilib, ancha katta hajmlarga olib chiqmoqchimiz”, deydi Eraslan.

Tashkent Congress Hall Hilton zalida bo‘lib o‘tayotgan tadbirda O‘zbekiston va qo‘shni mamlakatlardan kelgan tayyor kiyim xaridorlariga 100 dan ortiq turk brendlari mahsulotlari taqdim etildi.

O‘zbekistonga birinchi marta kelgan Dosso Dossi Holding boshqaruvi raisi Hikmat Eraslan kompaniya jamoasi ko‘rsatilgan e’tibordan juda mamnun ekanini ta’kidladi.

“Biz tadbirlarimizda dunyoga mashhur eng yaxshi modellar va taniqli qo‘shiqchilar bilan konsert asosida tadbir o‘tkazib, xaridor va sotuvchilarni yig‘adigan moda shoularini tashkil qilamiz. Turk to‘qimachilik mahsulotlarini yuqori qo‘shimcha qiymat bilan sotish orqali biz tadbirni birinchi o‘ringa olib chiqadigan biznes bayram konsepsiyamiz yordamida dunyoni yaxshi tomonga o‘zgartirmoqdamiz”, deydi Hikmat Eraslan.

U kompaniya 19 yildan beri 30 ta mamlakatdagi mijozlarga tayyor turk kiyimlarini muvaffaqiyatli yetkazib berayotganini ta’kidladi.

“Tadbirda qatnashgan va bizni yolg‘iz qoldirmagan o‘zbek qardoshlarimiz bilan bu safar birga O‘zbekistonda bo‘lganimizdan juda xursandmiz.

Biz o‘zbek ko‘rgazmasini an’anaviy tarzda o‘tkazamiz va uni har yili kengaytirib boramiz. Yangi tarmoqlarni qo‘shish orqali mahsulot turlarini kengaytiramiz va O‘zbekistondagi eng yirik moda tashkiloti, shuningdek, O‘zbekistonga moda ixlosmandlarini olib keladigan kuch bo‘lamiz. Shu bilan birga, biz O‘zbekistonni targ‘ib qilish va turizmni rivojlantirishga o‘z hissamizni qo‘shamiz”, deydi Hikmat Eraslan.

Reklama huquqi asosida