Turkiyada yirik oltin koni topildi
Olam
−
10 iyun 2021 11127
Turkiya sharqidagi Ag‘ri viloyatida 1,2 milliard dollardan ortiq qiymatga ega oltin zaxirasi topildi. Bu haqda mamlakat Sanoat va texnologiya vaziri Mustafo Varank ma’lum qildi.
“Biz Mollakara qishlog‘i yaqinidagi Koza Altin konida 1,2 milliard dollarlik 20 tonna oltin va 2,8 million dollarlik 3,5 tonna kumushni topdik”, deb yozadi vazir Twitter’dagi sahifasida.
Shuningdek, Varank so‘nggi 10 yil ichida mamlakatda oltin qazib olishga sarmoya kiritish darajasi 25 foizga oshganini ta’kidladi. 2020 yilda mamlakatda 18 ta kondan 42 tonna oltin qazib olingan.
Vazirning so‘zlariga ko‘ra, bu yil Turkiya 45 tonna oltin qazib olishni mo‘ljallamoqda va keyingi besh yilda ishlab chiqarish darajasini 100 tonnaga yetkazishni maqsad qilgan.
Islomjon Omonjonov
Live
Barchasi