Turkiyada Eronning josuslik guruhi qo‘lga tushdi

Olam 9083
image

Turkiya milliy razvedka tashkiloti (MRT) va politsiya sobiq eronlik harbiyni vataniga jo‘natib yubormoqchi bo‘lgan bir guruh josuslarni qo‘lga oldi. Bu haqda “Anadolu” agentligi xabar berdi.

Ma’lumotlarga ko‘ra, Vanda yashovchi eronlik sobiq askar M.A.ni Eronga olib o‘tish uchun 8 kishilik guruh yuborilgan. Ularning ikki nafari Eron agenti bo‘lgan. Guruh MRT va politsiya tomonidan joriy yilning 24 sentyabrida qo‘lga olingan.

MRT tomonidan aniqlanishicha, Eron razvedkachilari Vanda byudjeti 30 ming dollar bo‘lgan tarmoq yaratishga urinishgan.

24 sentyabr kuni Eron razvedkasi M.A.ni avtomobilda vataniga qaytarish uchun 2 kishini Vanga yuborgani aniqlangandan so‘ng, MRT va Van viloyati xavfsizlik boshqarmasi tarmoq a’zolarini jinoyat ustida ushlagan.

Dastlab M.A.ni qochirish uchun uning uyiga kirgan Eron fuqarosi S.S. va Turkiya fuqarosi M.Ye.A. hibsga olingan. Operatsiya davomida 6 nafar turkiyalikdan ibora boshqa guruh ham ushlangan.

Sunnatilla Abdullayev
Maqolaga baho bering
Baholaganlar: 484
Reyting: 2.9
t
×