Turkiya Siper zenit-raketa tizimini sinovdan o‘tkazdi (video)
Olam
−
02 yanvar 2023 5944
Turkiya o‘zining uzoq masofaga uchuvchi Siper zenit-raketa majmuasini sinovdan o‘tkazdi. Bu haqda Turkiya Mudofaa sanoati departamenti rahbari Ismoil Demir Twitter'dagi sahifasida ma’lum qildi.
Uning so‘zlariga ko‘ra, Turkiya havo hujumidan mudofaa tizimi sinovlar davomida 100 kilometrdan ortiq masofadagi nishonga zarba bergan.
“Turk millatiga yangi yil sovg‘asi: uzoq masofaga mo‘ljallangan Siper havo mudofaa raketasi sinovdan muvaffaqiyatli o‘tib, nishonga tegdi”, deydi Ismoil Demir.
Turkiya 2023 yilda mamlakat Qurolli kuchlarini o‘zining havo mudofaasi bilan ta’minlashni rejalashtirmoqda. Bundan tashqari, Anqara 2026 yilga kelib milliy havo mudofaasi asosini tashkil etishni rejaga kiritgan.
Live
Barchasi