Sement giganti “Lafarge” ISHIDga sherik bo‘lib chiqdi. Bundan Hukumatning ham xabari bor

Fransiyaning sement ishlab chiqaruvchi “Lafarge” AQSH sudida Suriyadagi ISHID terrorchilik tashkilotiga yordam ko‘rsatishda bo‘yicha ayblovlarni tan oldi. Bu haqda AQSH Adliya vazirligi xabarida aytiladi. 

Endi “Lafarge” 777,78 million dollar jarima to‘lashi kerak. 

“Lafarge” va uning sho‘ba korxonasi “Lafarge Cement Syria” alohida rahbarlarning xatti-harakatlari uchun javobgarlikni o‘z zimmasiga oldi. Bu harakatlar “Lafarge” tomonidan jinoyat kodeksining qo‘pol buzilishi hisoblanadi. Biz bu voqeadan juda afsusdamiz. Biz vaziyatni hal qilish uchun AQSH Adliya vazirligi bilan yaqindan hamkorlik qildik”, deyiladi kompaniya bayonotida. 

“Lafarge” ishi 2017 yildan beri ko‘rib chiqilayottgan edi.

2017 yil iyun oyida kompaniyaga qarshi boshlangan tergov doirasida bir qancha kompaniya rahbarlariga, jumladan, “Lafarge” raisi Bryuno Lafonga nisbatan “terrorizmni moliyalashtirish” ayblovlari qo‘yildi. 

Kompaniyaga 2018 yil iyun oyida "insoniyatga qarshi jinoyatlarda sheriklik" ayblovi qo‘yilgan va 2019 yil noyabrida ishdan voz kechilgan. 

Fuqarolik partiyalari, “Sherpa” korrupsiyaga qarshi nodavlat tashkiloti va Konstitutsiyaviy va inson huquqlari bo‘yicha Yevropa markazi kassatsiya sudiga da’vo arizasi bilan murojaat qildi. Keyinchalik Fransiya hukumati “Lafarge” va ISHID o‘rtasidagi kelishuvdan xabardor ekani ma’lum bo‘ldi. 

Fransuz “Lafarge”ning ISHID bilan aloqasini tasdiqlovchi hujjatlar OAV qo‘liga tushgan.

Fransiya muassasalaridan olingan hujjatlardagi ma’lumotlar global sement gigantining ISHID bilan aloqalari haqida doimiy ravishda Fransiya ichki, tashqi va harbiy razvedkalarini xabardor qilganini ko‘rsatmoqda. Ya’ni, Fransiya rasmiylari “Lafarge”ning terrorchilar bilan hamkorligidan xabardor edi. 

Fransiya razvedka xizmatlari bu aloqadan mintaqadan xabar olish, faoliyatlarini davom ettirish va Suriyadagi terror tashkilotlari bilan hamkorlik qilish uchun foydalangan. 

Hujjatlardan ma’lum bo‘lishicha  maxfiy xizmatlar kompaniyani ISHID bilan bunday hamkorlikning jinoiy xususiyati haqida ogohlantirmagan. Birgina 2013-2014 yillar mobaynida kompaniya va Fransiya ichki, tashqi va harbiy razvedka xizmatlari o‘rtasida 30 dan ortiq shunday muzokaralar o‘tkazilgan. 

ISHID yetkazib berilgan sement yordamida AQSH boshchiligidagi koalitsiya kuchlariga qarshi kuchli boshpana va tunnellar qurayotgani ma’lum.