AQSH qo‘shinlarini Saudiya Arabistoniga yuboryapti, buning uchun yaxshigina haq oladi

"Saudiya Arabistoni AQSHga u yerda qo‘shimcha harbiy qismlarni joylashtirganimiz uchun pul to‘laydi", dedi bugun, 12 oktyabr kuni AQSH Prezidenti Donald Tramp jurnalistlarga. Bu haqda RIA Novosti xabar bermoqda.

"Biz Saudiya Arabistoniga qo‘shimcha kuchlar yuborayapmiz. Saudiya Arabistoni, mening iltimosim bilan ularga yordam berish uchun qilgan barcha harakatlarimiz uchun bizga pul to‘lashga rozi bo‘ldi. Biz buni qadrlaymiz", dedi u.

Avvalroq, Pentagon Saudiya Arabistoniga 3000 askar joylashtirilishini va mamlakatning neft sektoriga qilingan hujumlarga javoban qo‘shimcha qurol-yarog‘larni tasdiqlagan edi. AQSH Davlat departamentining Eron bo‘yicha maxsus vakili Brayan Xukning aytishicha, bu kuchlarning vazifasi Saudiya Arabistonini Eron hujumlaridan himoya qilishdir.

Eslatib o‘tamiz, shu yilning 14-sentyabr kuni Saudiya Arabistonidagi bir nechta neft zavodlari zarbaga uchradi. Ushbu voqeadan so‘ng, eng yirik neft eksportchisi ishlab chiqarishni yarmidan ko‘piga qisqartirdi. 

Saudiya Arabistoni boshchiligidagi arab koalitsiyasiga qarshi jang qilayotganlar hujumni dronlar yordamida amalga oshirganini aytdi. 

Amerika Qo‘shma Shtatlari Yaman hujumiga oid biron bir dalil yo‘qligini aytdi va Eronni aybladi. Saudiya Arabistoni boshchiligidagi Arab koalitsiyasi ham hujumlarga Tehron aloqador deb hisoblaydi.

Eron bu ayblovlarni rad etadi.