Toshkentning ikki tumanida gaz va issiqlik tizimi vaqtinchalik o‘chiriladi
Jamiyat
−
23 mart 2021 4899
Bugun, 23 mart kuni Toshkent shahrining Yashnobod va Mirzo Ulug‘bek tumanlari ayrim hududlarida gaz va issiqlik ta’minoti uziladi.
“Hududgaz Poytaxt” gaz ta’minoti filiali Matbuot xizmatining xabariga ko‘ra, bugun, 23 mart kuni Yashnobod tumanidagi ba’zi gaz quvurlarida ta’mirlash ishlari olib borilayotgani sababli soat 10:00 dan 18:00 gacha bir necha manzilgohlarda gaz ta’minoti uziladi, ba’zilarida gaz bosimi pasayadi.
“Toshissiqquvvati” DUK Mirzo Ulug‘bek tumani boshqarmasining xabar berishicha, Feruza ko‘chasidagi magistral issiqlik quvurlarda avariya holati aniqlangan. Shu munosabat bilan bugun, 23 mart soat 9:00 dan 17:00 ga qadar Feruza mavzesida joylashgan 110 ta ko‘p qavatli uy, 6 ta MTT va 1 ta kasalxona binolarida issiqlik tizimi vaqtinchalik o‘chiriladi.
Live
Barchasi