Toshkentdagi sexda portlash yuz berdi
3-sahifa
−
25 may 2023 6476
Bugun, 25 may kuni Toshkent shahrida joylashgan sexlarning birida portlash sodir bo‘ldi va oqibatda yong‘in yuzaga keldi. Bu haqda Favqulodda vaziyatlar vazirligi Matbuot xizmati xabar berdi.
Qayd etilishicha, 25 may kuni soat 02:30 da Toshkent shahar Bektemir tumani “Mirishkor” MFY Chirchiq bo‘yi ko‘chasida joylashgan tadbirkorlik sub’ektiga qarashli hududda yong‘in sodir bo‘lgan. Yong‘in kelib chiqishiga chiqindi moy mahsulotini qayta ishlash vaqtida sig‘imning yorilib ketishi tufayli portlash bo‘lgani asosiy sabab deya ko‘rsatilgan.
Yong‘inni o‘chirish uchun 8 ta yong‘in-qutqaruv ekipaji soat 02:32 da voqea joyiga yetib borib, soat 03:09 da o‘rab olingan va soat 03:16 da o‘chirilgan.
Yong‘in oqibatida 150 kv m maydonda chiqindi moy mahsulotlari yongan. Aytilishicha, hodisada tan jarohati olgan va halok bo‘lganlar yo‘q.
Nurmuhammad Fayzullayev
Live
Barchasi